கந்தர் அலங்காரம் (பாடல் 2) : பாசக்கயிறு

-

அழித்துப் பிறக்கவொட்டா அயில் வேலன் கவியை அன்பால்
எழுத்துப்பிழை அறக் கற்கின்றிலீர் எரி மூண்டது என்ன
விழித்துப் புகை எழப் பொங்கு வெம் கூற்றன் விடும் கயிற்றால்
கழுத்தில் சுருக்கிட்டு இழுக்கும் அன்றோ கவி கற்கின்றதே

நம் கர்மங்களை எல்லாம் அழித்து, மீண்டும் பிறவாத நிலை எனும் மோட்சத்திற்கு அழைத்துச்செல்லும், கூரிய வேலினை ஏந்திய முருகப்பெருமானின் புகழ் பாடும் பாடல்களை அன்போடு பாடாது இருப்போர்களே! பொங்கிப்பெருகுமாறு புகையை எழுப்பும் பெருநெருப்பைப் போல கண்களை உடைய மரணதேவன், உங்கள் கழுத்தில் பாசக்கயிற்றினை வீசி, சுருக்கிட்டு இழுக்கும்போதா அவன் கவியை பாடலாம் என்று இருக்கிறீர்கள்?! 

என்று நம்மை கேட்கும்படி அமைந்துள்ளது இந்த பாடல். 

காலம். நிற்காமல் சுழலும் சக்கரம். காலமும் மரணமும் யாருக்காகவும் காத்திருப்பதில்லை. இவை இரண்டும் தண்டவாளத்தை போல. சேர்ந்தே பயணித்துக்கொண்டு இருக்கின்றன. 
கையிலேயே கனியை வைத்துக்கொண்டு பசிக்கு அழுவது போல, காலம் உள்ளபோதே இறைவனை பாடி அவன் அருள் பெறாது விட்டால், மரணம் கண்முன்னே வந்த பின்பு அவனைப் பாடும் வாய்ப்பு இல்லாமலே போய்விடும். மீண்டும் மீண்டும் இந்த பிரபஞ்ச சேற்றில் தத்தளிக்க நேரிடும். 

மரண தேவன் கடமையே உருவானவன்.
இறைவனோ கருணையே உருவானவன். காலம் உள்ளபோதே, அவன் புகழ் பாடி, அவன் கருணைக்கு பாத்திரமாவோம் என்று கூறி இந்தப் பதிவை நிறைவு செய்கிறேன். 

அடுத்த பதிவில் தொடர்வோம். 

சண்முகப்ரியா K சம்பத்குமார் 

For English, please visit the link given below👇

Comments

Post a Comment

Popular posts from this blog

பாகீரதி - பாகம் 1 : நீர் என்னும் அமிழ்தம் (The Nectar)

-
Image
      இந்தப் பிரபஞ்சம் பஞ்ச பூதங்களால் ஆனது. இந்த ஐந்து பூதங்களில், நீர் நம் மனதுக்கு மிகவும் நெருக்கமானது என்று சொன்னால் மிகையாகாது. சாரலில் நனையும் பொழுதும், நீரோடையில் கால்களை நனைக்கும் பொழுதும், நா வறண்ட நேரம் நீரை அருந்தும் பொழுதும், மழைமேகம் இந்த விண்ணை சூழ்ந்து கொள்வதை காணும் பொழுதும் ஐம்புலன்கள் மட்டுமின்றி உயிரும், உள்ளமும் குளிரத் தான் செய்கிறது. அறிவியலின் கூற்றுப்படி, இந்த பிரபஞ்சம் பருப்பொருட்களால் ஆனது. பருப்பொருட்கள் மூலக்கூறுகளாலும், மூலக்கூறுகள் அணுக்களாலும் ஆனவை. நம் புராண கூற்றுக்களின் படி, இந்த பௌதீக (கண்களால் பார்க்ககூடிய) பிரபஞ்சம் முழுவதும் ஆயிரம் ஆயிரம் அண்டங்களால் நிறைந்ததும், இவை அனைத்தும் நம் கண்களுக்கெல்லாம் புலப்படாத, சூட்சும(கண்களுக்கு புலப்படாத) காரண சமுத்திரத்தின் உள் அடங்கியுள்ளது.   ஸ்ரீமன் நாராயணன் இந்த சமுத்திரத்தில் தான் பள்ளி கொண்டு இருக்கிறார். ஒரு முறை அவர்  மூச்சை விடும் போது, ஆயிரம் ஆயிரம் அண்டங்கள் குமிழிகள் போல பிறக்கின்றன. மூச்சை இழுத்துக்கொண்டாலோ அனைத்தும் அவருக்குள்ளேயே ஒடுங்கி விடுகின்றன.  இதற்கு தெள...
Read more

மூன்றாம் பிறை (The Crescent)

-
Image
 எந்த தெய்வத்தையும் அதன் உண்மை சொரூபத்தை காண்பது என்பது அரிது. அதுவும் இந்த கலியில் தெய்வ தரிசனம் நடக்கவே நடக்காத ஒன்று. ஆனால், இதில் ஒருவருக்கு மட்டும் விதிவிலக்கு உண்டு. அது யாரெனில், அன்பும், கருணையும் உருவான சாட்சாத் மகாதேவர். கருணாமூர்த்தியான அந்த சிவனை மட்டும் நம் கண்களாலேயே தரிசிக்க இயலும்.  அது எப்படி என்று தெரிந்து கொள்ள இந்த புராண கதையை பார்த்து விட்டு வருவோம். தட்சன் - பிரஜாபதிகளுள் ஒருவர். பிரஜாபதிகள் பிரம்மதேவனின் புத்திரர்கள். படைப்புத் தொழிலில் உதவி புரிவதற்காக பிரம்மனால் படைக்கப்பட்டவர்கள்.  சந்திரன் - பிரஜாபதிகளுள் ஒருவரான அத்திரி மகரிஷிக்கும், தேவி அனுசியாவிற்க்கும் பிறந்த புத்திரர்களுள் ஒருவர். குரு பிரகஸ்பதியிடம் சகல கலைகளையும் கற்றவர். தட்சனுக்கு பிறந்த 27 நட்சத்திரங்களான 27 பெண்களையும், தட்சன் சந்திரனுக்கு மணமுடித்து வைத்தார். 27 பெண்களில், ரோஹிணி மீது மட்டும் அதிகம் ஈடுபாடும், மற்ற மனைவிகளை கண்டு கொள்ளாமலும் இருக்கவே, தங்கள் தந்தையிடம் சென்று 26 பெண்களும் முறையிட்டனர். கோபமுற்ற தட்சனோ, தன் பெண்களை வேதனைப்படுத்திய குற்றத்திற்காக அவனுடைய க...
Read more

கந்தர் அலங்காரம் (காப்பு) : மூத்தோன்

-
Image
 வணக்கம் .          இந்த மண்ணில், எத்தனையோ ஞானிகள் தோன்றி இறைவனின் சிறப்புகளை பலவாறு பாடி மகிழ்ந்துள்ளார்கள். அவர்கள் இன்புற்றதோடு அல்லாது நமக்கு அவற்றை விட்டுச்சென்றதன் நோக்கம், அதை நாமும் படித்து  இறைவனின் பிரியத்திற்கு ஆட்படவேண்டும் என்பது தான். ஒரு குழந்தை தாயிடம் அன்போடு ஓடிவந்து அணைத்துக்கொள்ளும் போது அந்த தாய் எவ்வாறு அகமகிழ்வாளோ, அதே போல் தான் இறைவனை பற்றி பாடும் பொழுது, இறைவனும் தாயை போல உள்ளம் குளிர்கிறான். நாம் வேண்டியதை, வேண்டியவாறு பெறவும், நம்முடைய உள்ளம் தூய்மையடையவும், அதனால் நம் கர்மங்கள் தொலைந்து, இம்மையிலும் மறுமையிலும் இன்பங்கள் பெறவும் இப்படிப்பட்ட நூல்கள் பெரியோர்களால் இயற்றப்பட்டு இருக்கின்றன. அதில் முதல் நூலாக, கந்தப்பெருமானின் புகழ் பாடும் கந்தர் அலங்காரத்தை உங்களோடு பகிர்ந்து  கொள்வதில் எனக்கு  மிகுந்த மகிழ்ச்சி.  கந்தர் அலங்காரம் - கந்தனின் அலங்காரங்களை (அழகு ) அதாவது இறைவனின் கல்யாண குண நலன்களை  பாடும் நூல். அப்படியென்றால் இறைவனுக்கே உரிய மங்களமான, எல்லையற்ற நற்பண்புகளாகும்.  இதை இயற்...
Read more